توقعات برج الحمل اليوم الجمعة 04 مارس 2022 ماغي فرح
الحمل ♈
مهنياً:القمر ببرجك عم تقدر ترجع ثقة بشغلك وبعلاقاتك وفي اخبار حلوة بتخص شغل او مكان وخطوة تغيير جديد وعم تتخلص من امور طارئة وناس مزعجة .. تدريجي الامور رح تتحسن وطاقة وانفراج ببلش بشكل كبير والاجواء بتصير افضل ونفسيتك بتتغير وجهز حالك لمشوار وعزيمة كمان ولمة حلوة وخبر حلو وتغييرات عقارية وتحسن بوضع العائلي وخبر مالي او شغل جديد ..
عاطفياً:جذاب والعين عليك واعجاب وخبر حلو وحدث مهم بيومك والاعزب القلب بدق من جديد .. تدريجي بيتغير الوضع وبيتحسن وبترتاح من ضغوط وبتكون مع الشريك وجاذبيتك مميزة .. المتزوج شوية هدوء ودبلوماسية والوضع تمام بكون خلال هاليومين ..
صحياً:حاول كتير تبتعد عن الاجواء الصاخبة وضجيج وتابع مع طبيبك والتزم بتعليمات وممكن في زيارة لطبيب بخصك او لحدا بالعيلة ..
غنيتك اليوم
عايشة وحدا بلاك وبلا حبك يا ولد .. جوزيف صقر
توقعات برج الثور اليوم الجمعة 04 مارس 2022 ماغي فرح
الثور ♉
مهنياً:القمر بالحمل بتشغلك قصص كتيرة بيومك خليك رايق بلاخص انو في قصص عم دايقك وفيها تأخير او تأجيل وحاول لا تخالف القوانين وتعمل مشاكل .. خلص المهم وضروري لا تقدم على اي خطوة مهمة وأنتبه للانفعال والعصبية ومشكلة طارئة او توتر مع مقرب وناس ممكن يخيب ظنك فيها .. بعد عن محيطك قدر الامكان والبعض عندو فرصة شغل او اختبار بخص وظيفة ومؤسسة حكومية وشخصية مهمة كمان ..
عاطفياً:مو مرتاح هاليوم لان في ضغوط وحاول تبعد عن اي مشكلة مع الشريك وروق وهدي .. بدي منك لا تتسرع وهدي شوي وحاول تعطي فرصة اذا بيستاهل على الاقل لتحسن واقع العلاقة .. في جدال ونقاش وعصبية وصوتك طالع أنتبه من الكلام ولا تتسرع وخلي خط لرجعة ع طول .. والبعض جهز حالك للقاء مهم او اتصال هالفترة ..
صحياً:وعكة خفيفة وانت بحاجة لحمية ونظام غذائي جديد ونظم حياتك بشكل افضل حتى توصل لنتائج ايجابية .
غنيتك اليوم
غلاك عندي عن جميع المخالق .. حسين الجسمي
توقعات برج الجوزاء اليوم الجمعة 04 مارس 2022 ماغي فرح
الجوزاء ♊
مهنياً:القمر بالحمل تواصل واتصالات ورفقات واصدقاء وعم يكون في مساعدة من شخص وعندك عزيمة واكل طيب وعم تتمتع بالطاقة الايجابية وشعبية واشخاص ممكن ترجع بعد غياب وعم تحصل على اجواء حلوة وسهرة او مناسبة .. ضب ايدك مالياً وممكن تقبض بهاليوم و اذا ناطر شي اوراق او شي قضائي او عم تجهز لشي بصير هالفترة وفرصة لتنقلات او سفرة قصيرة وعمل جماعي بالمجمل يوم حلو وزيارات واماكن جديدة ..
عاطفياً:تحسن بوضعك العاطفي في اعجاب وحب وصداقات عم تتطور وأعجاب مبدئي .. فكر بخطوات جديدة لتحسن الوضع وتستقر وفيك تلاقي حلول لمشاكل تعبتك وافكار جديدة ونشالله وضعك بكون افضل ولاجواء رومنسية وتبادل للمشاعر وأعجاب وبتسمع كلام حلو وفي اتفاق مشترك او ممكن تجهز لخطوة او لقاء واجواء حميمية والبعض علاقات سرية بيومك ..
صحياً:امورك افضل وتحسن منيح بصحتك بدي منك تستغل هاشي وتنتبه من حاسية جلدية وامور جنسية ومشاكل دورة عند نساء ..
غنيتك اليوم
غاب الغالي…ملحم زين
توقعات برج السرطان اليوم الجمعة 04 مارس 2022 ماغي فرح
السرطان ♋
مهنياً:القمر بالحمل يوم في فرصة عمل عقد او شراكة وشخص مهم بيومك وقصة مع اب او اخ بتشغلك حاول تهدي ولا تخالف القوانين حتى ماتتسب بمخالفة او تسمع شي كلمة انت بالغنى عنها بلاخص مع مسؤول او مع شخص بالبيت ولا تكابر على حالك وممكن في شهرة وشعبية عند البعض ولازم تحافظ على سمعتك وكون حذر من تشويه لسمعة وحاول لا تصعد الخلافات .. يوم جيد وتغييرات مهنية وشهرة للبعض او خبر بخص مركز او وظيفة عند البعض ..
عاطفياً:رغم توتر بوضعك العاطفي بدك تروق وتهدي لتطلع من هالوضع واعجاب عم يكون بيومك وفرصة لحب جديد وانطلاقة واعدة فكون جاهز له شي وافتح قلبك من جديد ولا ضيع الفرص او تأجل شي .. نقاشات بتخص وضع عاطفي وبحاجة لتلاقي حل سريع والوقت بساعدك بس لازم تحسم امورك وتلاقي حل .. وفي شخص مهم او مشهور وعلاقات عم ترجع هاليومين .
صحياً:بدك تنتبه صحياً بلاخص اذا في عصبية حاول تريح حالك ولا تهمل اي عارض صحي ..
غنيتك اليوم
خايف سميكي عمري..ربيع بارود.
توقعات برج الاسد اليوم الجمعة 04 مارس 2022 ماغي فرح
الأسد ♌
مهنياً:القمر بالحمل تحسن بامورك وعم يكون في تواصل واتصالات مع ناس بعيدة وقصص دراسية او اختبار واشخاص جديدة وغريبة عم تكون بيومك .. تجهيز اوراق وانتبه شوي من امور بتخص سيارة او موبايل .. وممكن يجيك مال هاليومين و في مصالحات وامور ادارية وفرصة سفر وتنقلات ومشوار وعزيمة واخبار حلوة ناطرتك هاليومين ان شالله ..
عاطفياً:رومنس بيومك وحب وتواصل كبير .. تحسن كبير بعلاقتك اتصال طويل وعم تفكر بعلاقة جديدة حتى البعض ممكن يسافر او في لقاء وحتى اذا شريك بعيد عنك عم يكون في حكي كتير .. يوم حلو خليك متفائل بعاطفتك وحبك وبتقضي وقت حلو وممتع وعاطفتك بتزيد وضعك نحو الافضل أستغل جاذبيتك لتأثر على شريك ومحيطك ولقاء واتصال حلو والاعزب ناطرك شي حلو هاليومين والبعض شخص قديم بيرجع او بيتواصل معك ..
صحياً:بتشفى من مرض بس انتبه تتناول الاكل بسرعة عم يسبب مشاكل المعدة وعسر الهضم وخفف اكل بوقت متأخر ..
غنيتك اليوم
حدي خليك .. جورج طحان.
توقعات برج العذراء اليوم الجمعة 04 مارس 2022 ماغي فرح
العذراء ♍
مهنياً:القمر بالحمل تحسن بوضعك وبلاخص الامور المالية وعم تتحسن علاقتك مع الاهل والاصدقاء وضمن عيلتك وعم تفكر تلاقي حلول لموارد جديدة وتحصل على مال .. تغييرات والاجواء افضل وبتطلع من حالتك فترة واعدة ومناسبة لتعمل شي جديد وترتاح شوي وعندك حلول لمشاكل مهنية او صحية وفرصة لامور مالية بين دفع وقبض ومبلغ من شغل او شراكة او ميراث وكمان في دفع مبلغ منيح عند البعض واهم شي انتبه على اسرارك ولا دخل الامور الاخرى بالعاطفة ..
عاطفياً:يوم في أحداث واخبار حلوة بدي منك تستغل هاليوم لتحصل في على دعم وثقة من جديد ولتحسن الوضع لتوصل لشي انت بدك ياه ومن الايام الحلوة ليكون في أرتباط ولا تخلي شي يأثر على علاقتك او حدا يدخل فيها لان برجع وبنبه من طرف تالت عم يأثر بالعلاقة عند البعض .. امورك بتكون تمام نشالله تدريجي هاليومين وحب جديد واوقات رومنسية وشغف عاطفي ..
صحياً:شوية قلق وتوتر نفسي والجلوس او الوقوف طويل يسبب مشاكل بالفقرات واسفل الظهر حرك حالك وانتبه من البرد ..
غنيتك اليوم
قلبك يادهب صافي .. وفيق حبيب.
توقعات برج الميزان اليوم الجمعة 04 مارس 2022 ماغي فرح
الميزان ♎
مهنياً:القمر بالحمل مو مرتاح وضغط بالبيت وبشغلك وتغيرات مانك راضي عنا بدك تساير شوي هاليوم .. حاول كتير تهدي حالك وتركز منيح يمكن في ضغوط بهاليوم وامور شوي متعبة وفي قصص كتيرة بدا شغل والمفروض تلحق الوقت ولا تتهاون بأداء اعمالك واجباتك وخلصها حتى ماتتراكم عليك .. يوم بدو تنظيم وترتيب ولا تخاف تدريجي في امور بترتاح منها وتطورات ممكن البعض يلاقي فرصة عمل او شراكة وبتستفاد من شريك كمان ولازم تطلع وتغير جو وحدا يعزمك ..
عاطفياً:لا تكبر القصص وحافظ على علاقتك وعم تحاول تلاقي حلول وتحط نقاط على الحروف لا توتر الوضع مع الشريك ولا ضوج وتعامل مع الوضع بهدوء وكون دبلوماسي وناقش امور بتخص علاقتك والوضع بالبيت .. أستغل جاذبيتك لتلاقي حلول وامورك افضل لا تخاف واوقات حلوة تغيير بعلاقتك واعجاب من شخص او لقاء مبدئي وشراكة عاطفية جديدة رح تتبلور هالكام يوم ..
صحياً:بحاجة لراحة ونوم الكافي لا تجهد حالك حتى ماتعاني مشاكل الفقرات او العضلات وخفف عصبية..
غنيتك اليوم
قطعلي قلبي صوتك..معين شريف
توقعات برج العقرب اليوم الجمعة 04 مارس 2022 ماغي فرح
العقرب ♏
مهنياً:القمر بالحمل خلص شغلك ورتب امورك وانتبه على صحتك وصحة حدا من اهلك وحدث مهم بيومك .. حاول لا تأجل شي وخلص المهم وضروري لتحسن من امورك المهنية وتحل مشاكلك العائلية في شي جديد وخبر حلو ناطرك وعزيمة او ورقة مهمة هاليومين .. بدي منك تنتبه من اي خلاف او سوء تفاهم وحاول تفصل بين امورك العاطفية وشغلك و بيتك وشوية هدوء بترتاح نشالله بالمجمل يوم متقلب لا تجهد حالك بكثرة تفكير وقصة مالية وتنقلات قصيرة وعزيمة كمان ..
عاطفياً:يومك مو مرتاح في تقلبات بوضعك وبحاجة لدعم من شخص او شريك يكون حدك لان عم تحس بالوحدة وضيق بسبب الوضع .. يوم لازم تزيد من طاقتك العاطفية يمكن في اتصالات وتواصل طويل او لقاء ..كون اكتر دبلوماسية بتعامل وشخص قديم عم يعود ع الواجهة .. المتزوج بدي تنتبه ع وضعك ولا تعمل مشاكل وروق وخلي كلشي طبيعي .. والبعض تواصل مع شخص من شغلك او دراستك وعلى مواقع تواصل الاجتماعي ..
صحياً:وعكة خفيفة او كريب وحاسس بكأبة وعصبية ونرفزة وتابع حمية وممكن تغييرات بشكل عند البعض ..
غنيتك اليوم
ياراحتي نفسية .. عراقي
توقعات برج القوس اليوم الجمعة 04 مارس 2022 ماغي فرح
القوس ♐
مهنياً:القمر بالحمل عم يكون في حلول بوضعك والحظ بساعدك وبتحل قصة عائلية واشخاص مهمة عم تشغلك واتصالات عم ترجع او اشخاص جديدة .. بتشغلك امور مالية وانت بحاجة للمال بهاليوم .. تدريجي خلال يومك عندك تتطورات واجواء حلوة وحلول لعدة مشاكل ونفسياً بترتاح من ضغوط وفي مال ممكن يجيك هاليومين وقصة بتخص الاطفال ولانجاب عند البعض ولازم تستغل يومك قدر الأمكان ..
عاطفياً:يومك افضل ولقاء او اتصال وعاطفة حلوة ..
بتتجاوز خلافات وتوترات لا تخاف على وضعك بهيك يوم وبلايام جاي نشالله لامور افضل رح تكون .. تطورات حلوة واوقات حلوة واخبار بتعطيك طاقة وانت افضل اذا عندك لقاء او اتصالات وجاذبيتك بتبلش تزيد ورومنسيتك غير شكل وبلاخص الاعزب حب جديد واعجاب والبعض عم يجهز لخطبة او عم يحدد موعد مهم وحب قديم بحاكيك والبعض عم يجهز لفرحة قريبة بلاخص المتزوج ..
صحياً:بتتحسن صحتك للافضل وفي شفاء من مرض تعبك خليك محافظ على صحتك اكتر بلاخص شي بخص الاطفال ..
غنيتك اليوم
خلي عندك خبر…جورج وسوف
توقعات برج الجدي اليوم الجمعة 04 مارس 2022 ماغي فرح
الجدي ♑
مهنياً:القمر بالحمل يوم عائلي وتغييرات بوضعك وقصة بشغلك وبالبيت وزيارات وعم تكون افضى للبيت والاهل وعم تساعد ممكن حدا من اهلك ويمكن قصة مبلغ مالي .. بتشغلك قصة بالبيت وبحاجة لحل وممكن حدا بحاجتك او تغيير مكان او نقل وعم تحسم امور بالعقارات والمنزل وعم تعمل تغييرات بالبيت او بديكور وتصليحات ودفع على منزل للبعض او قصة اوراق بتخص العيلة .. اجواء عائلية ولمة وفي حكي بالعيلة بقصة لازم تلاقيلا حل ..
عاطفياً:فرصة لتحل مشاكل مع الشريك وفيك تعمل اتصالات طويلة وخبر حلو كون جاهز والبعض لا تتردد بدي منك تعبر عن عاطفتك وتاخد قرار وبتوقع في لقاء واجواء حلوة حميمية .. بعض المتزوجين فكر منيح كيف ترجع الوضع متل ماكان ولا تخلي الامور تتفاقم اكتر أحسن ما توصل لطريق مسدود .. والبعض في قصص عائلية عم تدخل بوضعك العاطفي روق وكون دبلوماسي وبلاخص اذا شريك عم ينق كتير او بعيد ..
صحياً:بعد عن ضجة وكون مع ناس ايجابية ورجفان بلاعصاب بلاخص منطقة العين والحاجب وبتحس في شي مدايقك بين البطن وصدر ..
غنيتك اليوم
ماحدا بعبي مطرحك بقلبي.. ماجدة
توقعات برج الدلو اليوم الجمعة 04 مارس 2022 ماغي فرح
الدلو ♒
مهنياً:القمر بالحمل تنقلات واتصال واختبار وقصة بتخص الأخوة ومال يمكن يجيك .. عم تكون افضل بيومك عندك قدرة ع الحركة وخبر او اتصال حلو وفي قصة اوراق او سفر ويوم داعم بعلاقات وناس واتصالات كتيرة وتطورات مهنية وممكن البعض عبر مواقع التواصل الاجتماعي .. ممكن شغل وفرصة لتحصل على مال وحاول توظف طاقتك لتلاقي موارد جديدة وتدريجي الوضع افضل فيك تعمل عقد او صفقة او اتفاق بس انتبه لقصة موبايل او سيارة ومشاكل المواصلات ولاعطال ..
عاطفياً:اعجاب وتواصل ولاجواء أفضل بشكل تدريجي ، لامور رح تكون لصالحك وبيجيك اتصال حلو بتقدر تحكي وتغير امور كتير بعلاقتك وممكن لقاء عم تهدا الامور عندك وعم تزيل ضبابية والغشاوة وعم تفكر بلقاء او تواصل مع شخص قديم ولاعزب عم يكون في اعجاب بيومك وتطورات بالعاطفة وحب جديد المهم الحسم ضروري باي علاقة متوترة ولا تعطي فرص كتير لانك انت الخسران نصيحة لوجه لله ..
صحياً:اعطي الأهتمام لصحتك هالفترة الوقت منيح لتعمل نشاطات صحية وتغييرات بشكل وبصحة بس انتبه من الحوادث او ضربة وخبر بخص صديق ..
غنبتك اليوم
بعشق روحك والكلمات..مروان خوري.
توقعات برج الحوت اليوم الجمعة 04 مارس 2022 ماغي فرح
الحوت ♓
مهنياً:القمر بالحمل الحظ بحالفك وفي جرئة ولازم تستغل طاقتك بهاليوم ولا تكون كسول أفتح صفحة جديدة وبلش من جديد يوم فيك تحل مشاكلك اذا موجودة وتتطلع من ركود الحاصل عندك وفيك تطور من قدراتك .. أنتبهلي لامورك المالية في صرف او دفع على قصة ما او تصليحات وعزائم وممكن يجيك مال و دين و التزامات مالية وعلى اطفال كمان ..
عاطفياً:جاذبية وانفراج وبتبلش ضبابية تروح عن علاقتك وفي فرصة لحلول وتسويات وممكن ترجع المياه لمجاريها حاول كمان تبادر ليتصلح الوضع بلاخص اذا كنت متزوج ..المرتبط شوية هدوء وامورك افضل والاعزب الفلك بساعدك لتبلش بعلاقة جديدة بهالفترة ..
صحياً:أنتبه على وضع صحي عندك ومصاريف مالية للبعض على امور صحية او تغيير بشكل ..
غنيتك اليوم
غرامك مزيف ضميرك عدم..لطيفة
