توقعات برج الحمل اليوم الاربعاء 09 فبراير 2022 ماغي فرح
الحمل♈
مهنياً: مال بيشغلك بنهارك وبعد الظهر امورك افضل ، بعدو الوضع المالي عم يشغلك وعندك التزامات وعم تحسب شو الك وشو عليك عم تفكر بموارد جديدة وفي مصاريف طارئة ،بعد الضهر امورك افضل لتغير جو وتطلع من الملل والتعب واخبار حلوة ولقاءات كتيرة ، وقصة بتخص سيارة او موبايل وتصليحات عم تقوم فيها ، في حركة للاوراق هاليومين وسفر وقصة بتخص أخ أو أخت ..
عاطفياً: حاول تهدي بنهارك ولا تخلي الامور تدخل ببعضها وتدريجي الامور تنقلب لصالحك ،فكر كيف تعزز علاقتك مع الشريك وبالاخص اذا مرتبط الوضع مو زابط بنهارك وفي توتر ومو حابب تعمل مشاكل او تدخل بجدالات مو منها نتيجة .. حاول تهدي الوضع اكتر لازم تستغل وضعك تدريجي خلال النهار لتعزز علاقتك ويكون في اخبار منيحة وفي اتصال او لقاء ،الاعزب لا ضيع الفرصة والمهم تفكر صح وتلاقي الشريك المناسب الك .
صحياً: عم تعطي اهتمام لصحتك والبعض ممكن يفكر بعملية
غنيتك اليوم ياريت عمري ماهويت .. ايمن زبيب
توقعات برج الثور اليوم الاربعاء 09 فبراير 2022 ماغي فرح
الثور♉
مهنياً: امورك افضل بنهارك وبعد الضهر عم يشغلك الوضع المالي ،عم يكون اغلب تعاملك اليومين القادمين بأمور المال ، حاول تستغل فترة النهار ولاتكون كسول وتنام كتير ،يوم عم تعالج فيه قصص وعم تستفاد من قصص آخرى وبالاخص موضوع الشراكات سواء عاطفية او مالية ،طاقتك ايجابية لتخلص امورك المهمة وفي خبر وتنقلات وعزيمة ، بعد الضهر ممكن يوصلك مال أو هدية ومصاريف طارئة وعم تحسب شو الك وشو عليك ،البعض عم يتعامل مع البنوك وشراكات الصرافة هالفترة .
عاطفياً: اوقات حلوة عم تقضيها بنهارك حاول لاتخلي البرود يسيطر على الوضع رغم في غموض من قبل الشريك او بعيد عنك هالفترة او انت ماعم تفهم عليه وحتى كل ما يصير لقاء او اتصال بتحس انو الامور عم تتوتر أكتر ، بدي منك تشيل الافكار السودة من راسك ولا تخلي امور اخرى تسيطر على وضعك وممكن تجهز للقاء او يكون في اتصال هاليومين مع شخص جديد والاجواء رح تكون أفضل ، ممكن عم تدخل الامور المالية بالعاطفة وبتعمل شي مع الشريك اليوم .
صحياً: يوم فيه مصاريف مالية على الصحة ،انتبه للوزن الزائد
غنيتك اليوم بعشقك كلك .. ملحم زين
توقعات برج الجوزاء اليوم الاربعاء 09 فبراير 2022 ماغي فرح
الجوزاء♊
مهنياً: مو مرتاح بنهارك وتدريجي الامور بتكون افضل ، شوي شوي بتتحسن امورك وفي تغيرات إيجابية من المسا ،حاول كتير بنهارك تخفف شغل عندك تعب وقلق بشكل عام بيومك كلو والاخص علاقاتك وعم تعاني من بعض المسؤوليات ،شوي شوي بتخف عنك الضغوط خلال اليومين القادمين وبالأخص من المسا اليوم في حلول لقصة بالبيت او شغلك ، او البعض اذا عندك امور قضائية عم تحط النقاط على الحروف ،الأجواء ايجابية ورح تسمع خبر حلو وفي عندك عزيمة او سهرة وتواصل مع شخصية مهمة استغل هالفترة لتكون امورك تمام
عاطفياً: كون دبلوماسي وساير والمسا في اخبار حلوة وراحة واعجاب مبدئي عند البعض ، عم تعبر عن عاطفتك وحبك وفرصة لتصلح الوضع وتحسن تدريجي من المسا ،كتير وارد تتعرف او تلتقي بشخصية مهمة أو زميل عمل عم تطور علاقتك معو والبعض انتبه من أعمال السحر يلي عم تأثر على وضعك العاطفي هالفترة وبلاخص المرتبط .
صحياً: عم تعمل تغيرات صحية جديدة وفي تحسن نفسي ، وعم تهتم بالشكل أكتر والحمية ونظام غذائي ،بس البعض في قصة صحية لحدا ضمن البيت
غنيتك اليوم حب جنون .. عاصي الحلاني
توقعات برج السرطان اليوم الاربعاء 09 فبراير 2022 ماغي فرح
السرطان♋
مهنياً: استغل نهارك قد مافيك في علاقات وعزائم من الصبح وعم تناقش بأمر مهم ،يوم فيه اختبار لوضعك وبالأخص عاطفيا ويمكن عندك مشوار أو سفر قصير والبعض بجهز هاليومين لقصة قضائية أو إدارية ،المسا حاول تكون هادئ ولاتعصب وخلص المهم والضروري ،في ضغط بالبيت ويمكن في قصة عم تتأجل وحاول تنتبه على مصاريفك المالية ،البعض في فرصة لتواصل مع شخص مهم او مؤسسة حكومية
عاطفياً: يومك بحاجة لجهد اكبر لتحافظ على علاقتك ،حاول تكون حذر ولاتغامر وقدر الوضع وكون دبلوماسي ، لا تسكر الابواب وخلي خط لرجعة من جديد لتواصل والاتصالات لان علاقتك عم تمر بمرحلة اختبار كتير مهم بالأخص المتزوج الشريك متعبك وعامل ضغط عليك وممكن من أي كلمة يصير مشكلة ، الاعزب امورك افضل بس المهم تكون رايق ولا تتمسك بأفعالك وتكبر راس وتكون عنيد ، المرتبط أمورك أفضل عم تكون ساحر وجذاب وفي تبادل للاتصالات والمشاعر وكلام حلو عم تسمع .
صحياً: يمكن في وعكة صحية ولازم تشوف طبيب او اخصائي اذا لزم الامر وبالأخص فترة المسا
غنيتك اليوم انا ياطير ضيعني حبيبي .. عاصي
توقعات برج الاسد اليوم الاربعاء 09 فبراير 2022 ماغي فرح
الأسد♌
مهنياً: يوم فيه ضغط عليك كتير وبالاخص فترة النهار حاول لا تتأخر او تأجل شي وتبدأ الامور تتحسن من المسا واليومين القادمين وفي حسم مهم عندك ، عم تكون قادر تنجح بيومك وتحقق المطلوب منك ، حاول ما تستعجل او تعصب بنهارك وانتبه لردود الأفعال بيومك وبالأخص مع العائلة ، عم تتحسن الأمور تدريجي في دعوة او عزيمة ومناسبة ، عم تحقق انجاز جديد ويوم مساعد لتسافر او تطلع مشوار وتلتقي بناس بتحبها ، يوم عم تكون محور اهتمام وعم يكون في مصالحات بس بتطلب منك شوي دبلوماسية
عاطفياً: انتبه من اشخاص المصالح والاستغلال ولا تتصرف بشي مو محسوب حسابو ، يوم عم تاخدك افكار وبتجيبك وماعم تقدر تعمل شي او تطلع من هالوضع يلي عم تمر فيه ، حاول تأجل كلشي لبعد الضهر الأمور بتكون افضل وعلاقاتك عم تتحسن وعم يكون عندك كاريزما وجاذبية وملفت لنظر وعم يكون في تفاهم وتقارب بوجهات النظر وتواصل واتصالات حميمية وممكن شريك قديم بعود على البال وعلاقات صداقة عم تطور لحب والبعض بيدخل بعلاقات سرية .
صحياً: عم تطلع من وضع صحي الك او لحدا بالعائلة وطاقتك عم ترجعلك وانتبه من بعض الالتهابات والحساسية وبلاخص العشرية الاولى .
غنيتك اليوم والله واحشني موت … ماجد المهندس
توقعات برج العذراء اليوم الاربعاء 09 فبراير 2022 ماغي فرح
العذراء♍
مهنياً: رتب امورك بنهارك واستغل الوضع قدر الامكان ،الحظ بكون معك ومن بعد الضهر بدك تهدي بعلاقتك ووضع البيت او اذا في شغل عم تكون امورك بنهار افضل وعم تقضيه بين لقاءات واتصالات وناس كتيرة حواليك ، عم تحل قصة وترتاح منها وبالأخص قصة حدا ضمن العائلة ، يوم عم تزيد شعبيتك ومكانتك وعلاقاتك الاجتماعية عم تكبر وقصة صار فيها تأجيل وتأخير عم ترتاح منها ،البعض عندك عقود او امور ملكية ، خلص شغلك وتواصل مع شخص مهم وقص أب وأخ وفي اتصال وخبر ناطروا هالفترة .
عاطفياً: حاول تساير بيومك وريح رأسك بعرف عم تستوعب الشريك وتكون صبور عليه وعم تتحمل عقليتو ومزاجيتو ولا تخلي بعض التفاصيل الصغيرة تأثر على العلاقة يمكن الشريك اليوم متطلب وعم يسأل كتير حاول تنفذ المطلوب منك وتريح راسك ،ركز منيح بعلاقاتك واجواء حلوة بالاخص عند الاعزب والمرتبط من جديد وممكن تجهز للقاء أو تواصل مع شخصية مهمة
صحياً: ممكن تزور طبيب أو عم تعاني من وجع أسنان والبعض صحة أب أو أخ بتشغلك
غنيتك اليوم عندك هواية تتركني وتروح .. ملحم زين
توقعات برج الميزان اليوم الاربعاء 09 فبراير 2022 ماغي فرح
الميزان♎
مهنياً: مال بنهارك ومصاريف كتيرة وبعد الضهر الامور أفضل ، بعدها المصاريف عم تشغلك بوقت النهار عم تدفع على مستلزمات عم تتسوق وتجيب غراض وتحسم موضوع مالي وفي قصة اوراق أو عقود وفي حوالة للبعض حاول ضب ايدك على مصاريفك بالنهار ولا تستعجل بامور فيها تواقيع أو ميراث ، طاقتك بتكون افضل بعد الضهر عندك علاقات وعم تتواصل مع اشخاص جديدة او بعيدة عنك ،يوم فيه تنقلات او سفر للبعض وشخص غالي عليك وعم تعمل بعض التصليحات ضمن البيت او شي بخص سيارة او موبايل زيارات واجبات عم تقوم فيها ..
عاطفياً: بنهارك لسا بحاجة للهدوء ومن بعد الضهر فرصة ليصير مصالحة او اتصال وتغير ناطرو ، عم يشغلك فضولك هاليوم وحابب تعرف كلشي او يمكن عم تحاول تقنع بشي والشريك عنيد كتير .. قادر تقنع بإسلوبك وبطريقتك ولازم تستغل فترة بعد الضهر واليومين القادمين لتطورات ايجابية بوضعك العاطفي ، اتصالات وتواصل طويل وشخص ممكن يرجع يحاكيك وصدفة وعم تنشط على مواقع التواصل الاجتماعي ، بنصحك تستغل فترة المسا يلي عم يعاني من بعد وجفا ليكون في اتفاق جديد مع الشريك بدون لف ودوران وشوي دبلوماسية .
صحياً: يومك فيه شوي تحذيرات فقط أنك تتجنب قيادة السيارة والعمليات والالات الحادة ،البعض عم يعاني من شوي التهابات ومن المسا بترتاح اكتر .
غنيتك اليوم بيلبقلك تكوني قمر الزمان .. عاصي
توقعات برج العقرب اليوم الاربعاء 09 فبراير 2022 ماغي فرح
العقرب♏
مهنياً: عم تعاني من شوي ضغوط بنهارك وقصة بتخصك او بتخص شخص مقرب ، من الضهر بتبدأ تتحسن امورك وفي قصص مالية إما عم تطرحها او تحكي فيها أو شيء مشترك ، ممكن تحصل على مبلغ هاليومين والبعض عم يدخل بقصص فيها ميراث وتسديد التزامات وديون ولازم ضب ايدك شوي حاول تهدي بأمور العائلة لأن ممكن تشغل البعض بشكل اكبر او شخص قادم او مسافر .
عاطفياً: لازم تحط النقاط على الحروف ولا تحتار وبنصحك تلاقي حل سريع بفترة النهار حاول تتجنب الحسم وكون بعيد عن الوضع العاطفي لانك عم تواجه ضغوط بعلاقتك وماعم تعرف شو بدك أو كيف تتعامل مع الشريك والوضع صار بدو حل سريع ، بعد الضهر حاول تستغل دعم الحظ إلك لتعمل حلول ومصالحات وتقدر تاخد قرار مهم ،المرتبط والأعزب عم يكون في تواصل واتصالات وعلاقات حميمية
صحياً: عم تعاني مشاكل بالأنف وصعوبة ببلع الطعام ،مشاكل المعدة أو القولون عند البعض
غنيتك اليوم ضلي معي .. عاصي الحلاني
توقعات برج القوس اليوم الاربعاء 09 فبراير 2022 ماغي فرح
القوس♐
مهنياً: فايق بكير وعندك ضغط شغل وفي تغير على الصعيد المهني والشكلي وصحي ، لسا يومك بحاجة لترتيب وتنظيم بنهارك لتطلع من هالكركبة وتخلص التزاماتك حتى ماتسمع شي كلمة ورح ترتاح من قصة شاغلتك وفرصة لتبدأ شيء جديد او تحسم أمر مهم بالأخص فترة المسا في شراكات عم تتبلور إما مهنية أو عاطفية وحدث مهم قادم ،البعض نشالله في مبروك قريباً .
عاطفياً: علاقتك عم تمر بمرحلة اختبار وبحاجة لتقنع حالك اكتر من هيك ، علاقتك بحاجة لهدوء أعصاب ولاتكون عنيد ولاتهتم بحدا ماعم يهتم فيك أو ماعم يمنحك بعض الوقت ، بحاجة لدبلوماسية اكتر ولاتكبر القصص وطنش على بعض الكلام يلي ممكن تسمعو ،المتزوج انتبه من الناس حواليك يلي عم يأثروا على علاقتك ، يوم فيه فرصة حلوة للمرتبط والاعزب لتعزز علاقتك أو تدخل شراكة جديدة وعم تجهز لشي مشترك يمكن مشوار او سفر او عزيمة مع الشريك
صحياً: عم تعاني من جهد عضلي ،لازم تاخد استشارة او تشوف طبيب في حال كان في وضع صحي .. والبعض بتشغلو صحة شريك .
غنيتك اليوم خليك بقلبي .. عاصي الحلاني
توقعات برج الجدي اليوم الاربعاء 09 فبراير 2022 ماغي فرح
الجدي♑
مهنياً: امورك بنهارك افضل وبعد الضهر عندك التزامات وشغل ، حاول تستثمر وقتك الصبح وتنفذ المطلوب منك وتنهي اعمالك وواجباتك بكير ،يوم فيه علاقات كتيرة وأصدقاء وفي قصة عم تشغلك يمكن عرض جديد واتصال إيجابي وفي مال من شغلك هاليومين ، من الضهر عم يكون في تراكم أعمال ومسؤوليات جديدة والتزامات لازم تخلصها ،رتب امورك حتى ما تدايق وتعب حالك صحيا ،حاول تستغل اليومين القادمين لتحضر لشيء مهني جديد أو لقاء مهم وانشالله في خبر حلو بكون عندك
عاطفياً: استغل نهارك والاجواء حلوة وعم ترجع بذاكرتك للماضي او شخص ممكن يعود او عم تفكر في ،يوم عم تكون فيه متفهم وعم تتحمل وتساير زيادة عن اللزوم بس بدي منك تخفف نقاشاتك أو جدال بأمور صغيرة عم تسبب إلك مشاكل ،بعرف هالفترة فيها ضغط بس هالشيء طبيعي ويومين رح تمر الأمور على خير بشوي دبلوماسية لا تستسلم لشيء ،المرتبط جديد عم يكون نجمك محبوب وفي مفاجأة وشغف عاطفي وأجواء حلوة رغم التحديات يلي عم تعيشها بعلاقتك ،الأعزب فرصة لتطور علاقة مع شخص من داخل شغلك أو دراستك
صحياً: العشرية الأولى انتبه على وضعك ممكن في وعكة صحية خفيفة ،الباقي عندك تحسن صحي وعم تكون نفسيا أفضل
غنيتك اليوم خسرت كل ناس على شانو .. جورج وسوف
توقعات برج الدلو اليوم الاربعاء 09 فبراير 2022 ماغي فرح
الدلو♒
مهنياً: بنهارك في قصص عائلية بعدها عم تشغلك وضغط أشخاص حواليك وزيارات كتيرة وعم تناقش قصة أو مشكلة ، لكن تدريجي الامور رح تكون افضل بعد الضهر لتتخلص من مشاكل البيت والضغوط يلي كنت عم تعاني منها ،يوم عندك لقاءات وعم يكون حضورك مميز ونفسيتك عم ترتاح شوي شوي خلال اليومين القادمين ،يمكن في اشخاص عم ترجع تحاكيك ،وقديم عم ترجع على الواجهة، في شغل جديد وحلول ايجابية وتواصل واتصالات واتفاق جديد ،وقصة مالية وعزائم وكلو رح يكون لصالحك هاليومين
عاطفياً: حاول ما تكون متمسك برأيك او تكون عنيد ركز شوي بنهارك ولا تستعجل على شيء ،عندك القدرة لتستوعب وتناقش بكل هدوء وانتظر فترة بعد الضهر ليكون في تغيرات لصالحك وفي وضع عاطفي واجواء عم تكون أفضل إما لتبدأ قصة عاطفية جديدة أو شريك قديم يرجع أو عم تعيش أجواء فيها رومانسية وحميمية اكتر ،ممكن يوصلك شيء من الشريك أو تسمع خبر عنو ،الأجواء افضل هاليومين
صحياً: عم تشغلك امور صحية بالبيت او شي بخص الإنجاب ،البعض عم يعاني من قلاع بالفم وحكة بفروة الرأس وسبب نقص بأحد الفيتامينات بالجسم .
غنيتك اليوم مش عم بقدر .. ادهم نابلسي
توقعات برج الحوت اليوم الاربعاء 09 فبراير 2022 ماغي فرح
الحوت♓
مهنياً: استغل نهارك قدر الامكان لتخلص امورك وبعد الضهر في قصص عائلية ونقاشات كتيرة وتقلب ومزاجية من اشخاص حواليك ، بنهارك حاول ما تأجل شي وخلص الأمور الضرورية في عندك اتصال ولقاءات واذا بدك تسافر خليها بفترة الصبح ، عم تتلقى دعم ومساعدة وعم تحل قصة بمساعدة حدا مقرب واذا في عزائم او مشوار لا تتردد لان بعد الضهر عم يكون في أمور عائلية عم تشغلك وقصة حدا من اهلك عم تعمل بعض التصليحات بالبيت ويمكن البعض عندك نقل لمنزل أو تغير مكان ، في اجواء عائلية حاول تستغلها او تستفاد من حدا بالعائلة ،خبر على الصعيد العائلي او العقاري لو كان فيه رفض حاول ما تستسلم
عاطفياً: استغل نهارك لتعزز علاقتك ويكون في تواصل مع الشريك ، رغم في حكي بدك تحكيه وعم تقضي وقت طويل والبعض عندو إعجاب مبدئي ، بعد الضهر بدي منك لا تكبر القصص ولاتعمل من الحبة قبة وبدك تحاول تروق وتتحمل الشريك وطباعه وبالأخص اذا في قصص عائلية عم تدخل بوضعك العاطفي ، البعض يمكن يحملك هاليوم قرار عاطفي على الصعيد العائلي وأجواء عم تترتب بالعائلة لحدث أو اتفاق مهم قادم
صحياً: بحاجة تنتبه لوضعك الصحي ، او لصحة أحد افراد العائلة يلي ممكن تشغلك هاليومين
غنيتك اليوم انتي مشيتي .. ملحم زين
