توقعات الابراج اليوم السبت 27/11/2021 نجلاء قباني

اهم توقعات نجلاء قباني لحظوظ اليوم السبت27 تشرين الثاني 2021 

جائت حظوظ نجلاء قباني للأبراج اليوم السبت 27/11/2021 كما يلي:

توقعات برج الحمل اليوم السبت 27 نوفمبر 2021 نجلاء قباني

مهنياً: يوم لازم تثبت جدارتك وضاعف من جهودك لتخلص اي اعمال ضرورية بيومك لازم ترتب بيتك المالي بشكل منيح وتعيد حسابتك من جديد البعض لديه فرصة لشغل جديد وتغيرات مهمة بشغلك يوم ماعم تهدأ فيه ومشغول بقصص جوا البيت وبرا البيت ،بتشغلك امور عائلية حاول تريح راسك هي الفترة وتبعد شغلك عن اي امور تانية ،يومك بحاجة لترتيب وتنظيم وتحمل الضغوط والمسؤوليات وعم تعمل تغيرات بإمورك الصحية وكتير بحاجة لخطوة إيجابية او اتفاق وعرض جديد

عاطفياً: حاول تستوعب الشريك وتكون دبلوماسي لازم يهتم فيك أكتر وقدامك مهمة عاطفية لازم تبذل فيها جهد وبالمقابل لازم تنتبه على وضعك ومعاملتك مع الشريك ،يوم لازم تروق وتخفف عصبية ولا تكبر الامور ومرق يومك على خير مهما صار لازم تكون رايق وتمرق بعض القصص وبالاخص اذا في لقاءات ، البعض عم تتوضح الرؤية اكتر وعم يكون في تواصل مع شخص من داخل شغلك او مكان دراستك

صحياً: يوم لازم تستغل فيه طاقتك فيه شفاء من مرض وعم تعمل شيء يخص التجميل او حمية غذائية او نادي رياضي

غنيتك اليوم غاب الغالي.. ملحم زين

توقعات برج الثور اليوم السبت 27 نوفمبر 2021 نجلاء قباني

مهنياً: عم تتخلص من بعض الضغوط والمشاكل والامور العائلية عم تكون مدعوم من الفلك وعم تحسن وضعك تدريجيا في انفراج نوعي واشخاص عم ترجع تحاكيك وقصة مالية بيومك ممكن تحصل على مبلغ ودفع على شراء او صحة وشيء يخص الاطفال والانجاب وتغيرات شكلية يوم بتقضي وقت حلو وتواصل وعزائم وعم تتجاوز بعض الصعوبات وفرصة لتنقلات قصيرة يوم امورك جيدة وتحسن بوضعك المالي او تغيير مكان ،اتصال حلو

عاطفياً: يوم بتكون جذاب ورومانسي مدعوم بمصالحات وارتباط وشغف عاطفي والبعض يلي عندو جفا بعلاقتو ممكن الامور شوي شوي ترجع وتصحح المسار واحتمال شخص جديد يدخل حياتك او شراكة جديدة والبعض ممكن يجهز لحدث عاطفي لخطبة او زواج او استفادة مالية من الشريك حاول تهتم اكتر بالشريك ..الوقت مناسب اكتر لعودة شخص قديم ولتحسن واقع العلاقة وتصالح وعم تحاول تهدي الوضع اكتر ومابدك تكبر القصة بالاخص اذا كنت مرتبط او متزوج

صحياً: عم تفكر تطلع من الجو المحيط فيك لتغير من روتينك والبعض شيء يخص الانجاب والأطفال

غنيتك اليوم حدي خليك .. جورج طحان

توقعات برج الجوزاء اليوم السبت 27 نوفمبر 2021 نجلاء قباني

مهنياً: يوم فيه أمور عائلية وعلاقات عم تتلقى دعم ومساعدة من المحيط وتهتم لإمور عائلية وعقارية يمكن في تجهيز لمنزل أو قصة تخص منزل بالعائلة وممكن في نقل لمكان جديد او آجار وعم تجهز بيت او تصليحات وفرصة سفر قصيرة وشيء يخص محل تجاري يوم فيه تواصل مع اشخاص كتيرة او عائلية وزيارات وحكي بموضوع عائلي مهم انتبه من اعطال ضمن البيت او صحة حدا وهدي الوضع خلال هاليومين ،البعض ممكن تستفيد من بيع او شراء بخصوص عقار إذا بتشتغل ضمن هذا المجال

عاطفياً: عم يكون عندك قلق من تصرفات الشريك لازم تلاقي حلول مناسبة وتحسم امورك وتفكر بخيارات افضل بشرط اذا كنت ناوي علاقتك تستمر لازم تخفف من التوتر والعصبية ولا تكبر الامور وأي علاقة مافي منها نتيجة يفضل تبعد عنها قدر الإمكان لا تدخل أمورك العاطفية بالعائلية لان ممكن تزيد المشاكل اكتر ،في موضوع عاطفي بيشغلك ضمن المنزل إلك او لاحد من الأخوة ..

صحياً: عم تعاني من صحة حدا بالبيت وتهتم فيه وهذا الشيء عم يسبب صداع وإرهاق او بسبب ضغط العمل الزائد

غنيتك اليوم مابعرف ليش بحبك .. ملحم زين

توقعات برج السرطان اليوم السبت 27 نوفمبر 2021 نجلاء قباني

مهنياً: طاقتك إيجابية وفي أخبار حلوة ودعم ومساعدة واتصالات ولقاءات وحركة اكتر ،ممكن تزور مركز قضائي او أي شيء يخص دوائر الدولة ، يوم داعم إلك بتحسن نفسي وماعم تهدأ رايح جاي وتلفونك شغال وممكن سفر قصير وشيء يخص دراسة وعقارات وممكن يوصلك مردود مالي عم تسد فيه بعض احتياجاتك وعم تنشط على مواقع ااتواصل الاجتماعي والسوشيال ميديا ،انتبه من أعطال كهربائية او الكترونية ومشاكل مواصلات وتصليحات من الممكن تقوم فيها

عاطفياً: يومك افضل عم تعبر فيه عن عاطفتك بكل صراحة ووضوح ،عم تفكر صح وتكون جذاب وواثق بنفسك ،عم تتحسن أمورك العاطفية وصدفة حلوة ممكن تجمعك بشخص ومواقع التواصل الاجتماعبدي عم تلعب دور بيومك ، البعض لازم تحسب أي خطوة جديدة بوضعك فيما يخص الامور القضائية العاطفية لازم تروق وهدي فيها

صحياً: البعض من الممكن يزور طبيب او مستشفى انتبه من الحوادث وقصص الانجاب

غنيتك اليوم عندك هواية .. ملحم زين

توقعات برج الاسد اليوم السبت 27 نوفمبر 2021 نجلاء قباني

مهنياً: يوم لازم تعيد فيه حساباتك شو إلك وشو عليك ،رتب بيتك المالي ومصاريف طارئة وفرصة لقبض المال ،كتير بحاجة لمورد جديد لتحسن من واقعك المهني لتزيد من دخلك المالي ،قدامك فرصة مهمة لازم تستغلها ولا تأجل شيء ،اذا من الممكن مفكر تفتح شيءجديد او محل تجاري بحاجة لدعم مالي او معنوي لترتاح نفسيا ،بتشغلك قصة عائلية وناس الك زمان ما شفتهم ،بتطلع وبتغير جو وبتزور أماكن جديدة ،عندك عزيمة المهم ضب إيدك على مصاريفك

عاطفياً: يوم لازم تحسن وضعك العاطفي ويكون عندك قرارات اكتر جرأة ،لاتفكر بشيء وحاول تبادر ولاتكبر القصة وبالاخص بعض المواضيع الصغيرة عم تاخد وقت ومناقشة على الفاضي او عم ترجع لنفس النقطة يلي بدأت منها ،عندك جاذبية لتستغل يومك وتقضيه مع الشريك أو تطلع مشوار ،بعض العلاقات عم تطور شوي شوي .

صحياً: يومك فيه تعب وإرهاق وخمول بحاجة كتير لتريح حالك وتنام منيح

غنيتك اليوم أنسى العالم كله .. كاظم الساهر

توقعات برج العذراء اليوم السبت 27 نوفمبر 2021 نجلاء قباني

مهنياً: يوم فيه تغيرات إيجابية مواعيد واتصالات القمر عم يعطيك الطاقة والحظ وحلول لمشاكل معقدة ،عم ترتاح من بعض الضغوط والمسؤوليات ،يوم عم تقلب الامور لصالحك وتعزز وضعك ،شعبيتك بتزيد استغل يومك قدر المستطاع لتبدأ شيء جديد او اتفاق مهم ،فيه أمور مالية عم تدخل بوضعك من الممكن تستعيد مبلغ ،فيه عزيمة ومشوار وعم تعمل تغيرات شكلية ،البعض ممكن تحصل على شهادة وتحسن بوضعك الدراسي

عاطفياً: يوم جيد لتحسن علاقتك وتبادر ،فرصة أرتباط وعم يكون في مشاعر متبادلة وثقة اكتر ،يوم فيه اتصالات ولقاءات وصدفة حلوة ،وممكن شريك قديم يعود على الواجهة من جديد المهم لا تسمح لحدا يستغل حبك لان مو ناقصك وجع قلب ،المتزوج حاول قدر الإمكان لاتدخل بنقاشات مع الشريك مارح تجيب الك نتيجة وبالاخص اذا الشريك عنيد أو غيور واستغل دعم الفلك لتحسن وضعك خلال هاليومين

صحياً: يومك فيه تعب وجهد وتشجنات عضلية حاول تنتبه من مشاكل المفاصل وأسفل الظهر نتيجة بعض الاعمال المجهدة يلي عم تقوم فيها

غنيتك اليومجمالا حيرني .. ملحم زين

توقعات برج الميزان اليوم السبت 27 نوفمبر 2021 نجلاء قباني

مهنياً: يوم فيه أمور مالية ومصاريف ،فيه مؤسسة حكومية او شركة وشخصيات مهمة حاول تنتبه من اندفاعك بهاد اليوم لان ممكن يسبب إلك توتر او سوء تفاهم او تأخير وتأجيل إما بأمور مالية او بعض القضايا والاوراق حتى بقصص السفر اذا عم تفكر بهذا الشيء ولازم كتير تنتبه من نفاق بعض الاشخاص روق ولا تنفعل وتعصب وبنصحك تأجل أي شيء مهم ،عم تزور مركز حكومي او لقاء بشخصية مهمة ووضع حدا يخصك ،حافظ على صحتك والبعض مقبل على عملية قريبا

عاطفياً: وضعك العاطفي في قلق وإهمال عندك لوم على بعض التصرفات وحاول لاتدخل بنقاشات طويلة كون دبلوماسي ولا تكبر القصة حتى ما تدخل بتعب عاطفي ، كون بعيد عن التقلب بالمزاجية وطنش وحاول تعطي فرصة اذا الشريك بيستاهل بتتحسن امورك العاطفية شوي شوي هاليومين المهم تريح حالك ولا تعمل مشكلة اليوم

صحياً:يوم فيه شفاء من مرض وتحسن بالوضع الصحي لكن البعض ممكن يزور طبيب او مستشفى إما للاطمئنان على حالتو الصحية او يحدد موعد عملية

غنيتك اليومانا مش عارف اتغير .. تامر حسني

توقعات برج العقرب اليوم السبت 27 نوفمبر 2021 نجلاء قباني

مهنياً: يوم فيه لقاءات وعزائم وتواصل واشخاص جديدة ،يوم عم تكون جذاب وساحر بحضورك ، بتزيد علاقاتك الاجتماعية ورفقات كتار عم تتلقى مساعدة وعم تكون متحرر أكتر من الضغوط والمسؤوليات ،يومك فيه اخبار حلوة وتنقلات قصيرة ويمكن في سهرة وعزيمة أكل ومناسبة عم تحقق امنية او رغبة ، فيه لقاء منتظر ،اذا بحاجة لمال بإمكانك تطلب وبتتلبى

عاطفياً: عم تكون محط أنظار الكتار وتمارس سحرك وجاذبيتك اجواء حلوة بعلاقتك وتفاهم على بعض النقاط وصداقات عم تطور لحب وإعجاب ،اتصال او لقاء حميمي وتواصل مع اشخاص كتار ،علاقات سرية عم تكبر استغل يومك لتكون منيح وبالأخص المتزوج لا تخلي بعض التفاصيل الصغيرة تسبب نقاشات كتيرة وتوصل لطريق مسدود أو نقار مو إلو داعي وبالاخص احذر الغيرة او الشكوك بيومك بعض الاتصالات والمراسلات يلي ممكن يجيك منها وجع راس

صحياً: حاول ترفه عن نفسك ولا تتردد باي عزيمة وانتبه من تفخة بالمعدة او حساسية جلدية وخربطة بجسمك وأمور جنسية

غنيتك اليوم بدي حبك ..ملحم زين

توقعات برج القوس اليوم السبت 27 نوفمبر 2021 نجلاء قباني

مهنياً: يوم فيه شغل كتير ومسؤوليات واعمال إضافية لازم تكون دبلوماسي مع زملاء العمل او ضمن البيت ،وشخص مهم او مسؤول ودوائر حكومية يوم فيه تحضيرات جديدة فيما يخص العمل او الاوراق ولازم تكون جاهز لأي اختبار أو طارئ بشغلك ،يوم من الممكن تدخل بشيء جديد لهيك بدي منك تنتبه من بعض الأشخاص يلي ممكن تسبب عرقلة او تحاول تشوه سمعتك عند مدير او مسؤول يوم قادر تقلب الامور لصالحك وتواصل مع شخص مهم او مشهور وقصة اب او اخ بتشغلك ، يوم عندك ضغوط بالعمل ممكن تقدم على وظيفة جديدة او اوراق اعتماد ،البعض بزور مركز وهجرة وجوازات وسفر بقصد العمل

عاطفياً: المرتبط والمتزوج يوم لازم تنتبه على وضعك وتكون رايق ولا تخلي العصبية تأثر عليك ، او استفزاز ببعض المواقف ،حاول تبادر وتعطي فرصة وطول بالك خلال هاليومين ،يومك بدو طولة بال وبالأخص بعد الكلام المزعج يلي عم تسمعو ،لازم تكون قد التحديات والاستفزازت ولا تحسم اي امور لعلاقتك ،ولا تخلي اي حدا ياثر على قرارتك او تاخد اي قرار خاطئ ،الاعزب او المرتبط من جديد يومك افضل وتطورات إيجابية تواصل مع شخصية مهمة وعلاقات بتكبر بالايام القادمة

صحياً: صحة اب او اخ بشتغلك عم تعاني من مشاكل المعدة والجهاز العصبي وتحسن صحي بشكل تدريجي

غنيتك اليوم عاود على قلبي ..ملحم زين

توقعات برج الجدي اليوم السبت 27 نوفمبر 2021 نجلاء قباني

مهنياً: يوم فيه طاقة إيجابية وعم تتخلص من بعض الضغوطات والالتزامات ومشاكل إلها فترة مرافقتك ،تغيرات جديدة وعم تتواصل مع اشخاص غريبة وجديدة وخبر او اوراق تخص العمل وعم تبدأ شيء جديد بيومك ، يوم عم تنجز أعمالك بشكل منيح وفرصة لتحصل على مال او حوالة وعم تتلقى عزيمة وصديق عم يساعدك ،يومك لازم تنتبه من الحوادث والاعطال و بالاخص سيارة او موبايل ،واوراق لازم تخلصها ،عم تقوم ببعض التصليحات ،وللبعض عندو فرصة سفر بقصد لقاء او عمل وشيء يخص دراسات العليا وشهادة تقدير لجهودك

عاطفياً: تحسن بوضعك العاطفي بعد فترة من الركود والملل والضجر وعم تزيد طاقتك بيومك ورومانسيتك عالية وكلام حلو يوم عم توجد الحلول واقتراحات جديدة عم تجهز للقاء او اتصال مهم ،وعم تزيد الرغبة عندك اكتر ،تحسن ملحوظ بوضعك وبعلاقة من الممكن تطور وبالاخص مع أصدقاء ،يوم فيه تقارب عم تقضي وقت حلو مع شريك ،ممكن تواصل مع شخص عن طريق الانترنت ومكالمات عم تاخد منحى آخر ،لازم تكون دقيق ومنتبه منها

صحياً: يومك فيه طاقة وعزائم لازم تنتبه من مشاكل هضمية وعم تعمل تغيرات شكلية والبعض مقبل على عمية او شيء تجميلي

غنيتك اليوم خدني ليك .. وائل كفوري

توقعات برج الدلو اليوم السبت 27 نوفمبر 2021 نجلاء قباني

مهنياً: ضب ايدك على مصاريفك المالية فيه دفع مالي او قصة مهمة عم تستعجل فيها ،يومك عم يدور بامور مالية بين قبض ودفع ،وحلول ممكن ترضيك واتفاق مالي جديد ،يوم فيه قصص بتخص دين والتزامات وتسديد لبعض الفواتير ومن الممكن طالب بحق إلك ومعاملات بتخص أمور مالية او ميراث للبعض ،يوم مساعد للتخلص من ضغوط وعم تحسم قصة متعبة ،ممكن يوصلك شيء مادي او معنوي وقصة هدية بدك تهدي او تنهدى

عاطفياً: لازم تستغل بيومك باي لقاء او اتصال وتدريجي بتدخل اشخاص جديدة لحياتك ومصالحات بتشغلك ،يوم لازم تحافظ فيه على علاقتك الحالية ولا تتسرع باي قرار وعبر عن مشاعر واحاسيسك لتلاقي حل للوضع .كتير بحاجة للمبادرة والتنازل لتحل اي توتر وسوء تفاهم بوضعك ،الاعزب انت مقبل على فترة ايجابية وشخص جديد من الممكن يدخل لحياتك وعم تقضي اتصال وتواصل طويل ،عم تجهز للقاء بالفترة القادمة

صحياً: حاول تتنتبه من تقلبات الطقس بيومك ولا تجهد حالك ،في عندك خمول وتعب بالجسم ومشاكل أعصاب عم تسبب صداع بالرأس ورجفان بالعين ولا تتناول الطعام بوقت متأخر

غنيتك اليوموبعيد الشر ..محمود القصير

توقعات برج الحوت اليوم السبت 27 نوفمبر 2021 نجلاء قباني

مهنياً: يومك فيه عصبية ومانك طايق حدا وخلاقك كتير ضيقة في شغل والتزامات وشراكات بين بداية ونهاية ، انتبه لكلامك ولردود افعالك وحاول تحسبها صح ولا تتسرع بأي قرار وكون بعيد عن اي نقاش او مواجهات عم تسبب الك وجع راس وتعب صحي ، بنصحك تضبط اعصابك قدر المستطاع وطنش على بعض الاشخاص يلي ممكن تزعجك يوم فيه شراكات عاطفية او مهنية عم تشغلك ومممن اتفاق او عرض جديد وكلام بأمور مالية وممكن تحصل على دعم مالي او مبلغ

عاطفياً: المرتبط من جديد يومك حلو وعم يكون عندك مفاجأة واتصال واجواء حلوة عم تقضيها ،المتزوج والمرتبط يومك مو كتير منيح لهيك بدي منك تنتبه لاي سوء تفاهم يسبب مشكلة حاول تكون رايق لتحسن الوضع وتستقر امورك خلال هاليومين ،في حال ما انتبهت لوضعك ممكن تخسر شريك او شخص بتحبو كتير ،الاعزب فكرة لقاء او تواصل والبعض ممكن شراكة جديدة

صحياً: حاول قدر الامكان تنتبه من عصبيتك ممكن تأثر سلبي على صحتك وخفف تناول طعام بوقت متأخر ، وصحة شريك بتشغل البعض

غنيتك اليوم كرمال الله .. ناصيف